Vuosttas beaivvi min "Sápmi road trip" mátkkis lea
leamas hui somás ja miellagiddevas vásáhus, dat buvttii olu ođđa jurdagiid maid
birra in leat ovdal jurddašan. Movt lea gielladilli sámi skuvllain Ruoŧas, lei
okta gažaldat maid jurddašin ovdal go vulgen ja mu mielas ožžon buori vástádusa
Johkamohkis.
Beaivi álggii ahte manaimet Johkamohkki
sámeskuvlii gos beasaimet oaidnit movt dan skuvllas lei skuvla árgabeaivi.
Luohkat juohkásedje , ovdaskuvla studeantat manne ovdaskuvlii ja vuođđoskuvla
studeantat fas vuođđoskuvlii. Mu vuosttas jurdda go bohten vuođđoskuvlii lei
ahte dáppe duođaid oidnui siste ahte lei sámi skuvla. Nu olu sámi govat, galbbat
ja mánáin ledje iežaset guvssit mii mu mielas dagahii ahte sámivuohta bođii hui
guovddážii skuvllas.
Rektor skuvllas doalai midjiide
unna logaldallama skuvla historjá birra ja movt su mielas galggašii bargat
ovddidit Ruoŧas sámegiela. Son muitalii earet eará movt dalle go son vázzii
skuvllas, dalle hupme buot manat sámegiela ja movt dal dusse sullii 40% mánáin
hupme sámegiela. Manat ipmirde gal giela muhto hupme ruoŧagiela. Skuvllain ii
leat eará 4 diimmu vahkkui sámegiela ja de lea viisot eará diimmuin oahpahus ruoŧagillii.
Su višuvdna lei ahte jus galggašii giella dassi buoret šaddat de galggaše manat
beassat oahpahusa oažžut sámegillii eará fágain maid. Son muitalii maid
ahte olu olbmot leat fuobmán ahte sis leat sámegielat máttut ja ahte ieža leat sápmelaččat.
Danin leat ge sámeskuvlii bidjan mánáid vai giela ožžot ruovttoluotta. Sus lei
leamas niehku ahte skuvlii galge badjel čuođi oahppi álgit ja muitalii ge ahte
dal ledje sii olahan dan. Sávvamis ovdána sámegiella Johkamohkis eambbo vel!
Johkamohkki lea earenomáš giela
ektui go doppe hupmet davvisámegiela ja maid julevsámegiella. Dat muitalii ahte
sáhttá leat hástalus ja sii ledje ge buori doaimma álggahan justte dieđuid oktavuođas.
Dieđuid maid omd. ledje seaidnái bidjan ledje iešguđetlágan ivnniin čallojuvvon
ja iešguđetlágan sámegielain, dan ledje dahkan vai ii šaddan moivii ja ahte
manat dihte maid galge lohkat. Go oidnen man kreatiiva sii leat ja man buorre
biras sámegiela ektui sis lea, In lean jahkiit ahte Norggas lea sámi
skuvla ollen guhkkelii go Ruoŧas.
Oaidnalit!
Čállii lea Espen
Ingen kommentarer:
Legg inn en kommentar