Sáhtte álggus veaháš hárddestit vuođđoskuvla oahpaheddjiid, danne go MII beasaimet borrat várrabánnogáhkuid Ájluovtta mánáidgárddis, dan botta go sii ledje skuvla geahčadeamen.
Busse mátki lea jo leamaš oalle miellagiddevaš maŋŋá go guđiimet mánáidgárddi ja skuvla. Álggos lei hirbmat hoahpu, go mii gáttiimet ahte fearga man mielde mii galggaimet mannat, manai 45 minuhta árat go maid duođas barggai. Interneahta gielestii midjiide, go dat muitalii dušše geasse áiggi. Vaikko mis lei okta ožžon dieđuid dan birra, de earát eai jáhkkán dasa go dat leai dušše njálmmálaš dieđut. Go interneahta han gal lea min alla hearrá gii deahttá viisot. Muhto go de leimmet viimmat beassan bures johtui, dehan mis gal leat čeahpes studeantat dáppe geat máhttet rahkadit buori quiz´a. Golbma riika studeantat, ja golbma riika gažaldagat. Njealje joavku, ja juohke joavkkus ledje dážat, suopmelaččat ja ruoŧŧilaččat. Albma sáme quiz´a mas ledje buorre gažaldagat ja vel buoret fástádusat: ”Gii lea Iron Maiden vokalista?” Fástádus: ”Arnold Schwarzenegger”. Ja buohkat busses gahčet čoahkkái go gulle min buorre vástádusa.
Dál mii gal leat ollen Tromsii, ja lea smávvalágan plána mannat geahčat gávpoga “By Night”.
Ingen kommentarer:
Legg inn en kommentar