Vuossárgga
Johkamohkis.
Finaimet
sámemánáidgárddis guossis gos ledje julev- ja davvisámegielat mánát
juhkkojuvvon guovtti ossodahkii.
Go
bođiimet mánáidgárdái min válde hui bures vuostá. Mánáidgárddebargit
muitlaledje sin doaimmaid birra. Maid mii fuomášeimmet ; doppe mánáidgárddis lei bures sámevuohta
oidnosis. Ledje herven mánáidgárddi bures govaiguin, dujiiguin, ivniiguin ja mánáid bargguiguin. Lei somá oaidnit ahte
gávccijahkodaga ledje vuođđun sin doaimmaid. Mii doalaimet olgun mánáide
lávlunboddu. Lávlluimet/stoagaimet “Dál mun áibmui njuikkestan...” Mánát ledje ilus ja bures mielde stohkosis.
Loahpa
beaivvis mis lei Ylva Jannok Nutti logaldallin, ja dan maŋŋil finammet vel
oahpasnuvvame museai.
Dál mii joatkit mátkki Johkamohkis Deardnai.
Tea Raudasoja,
Ellen-Margaret G. Juuso ja Karen Inger Skum.
Ingen kommentarer:
Legg inn en kommentar